Followers

Wednesday, August 17, 2016

സല്യൂട്ട്

Abdulla M writes:

മുമ്പൊരു കഥ പറഞ്ഞു കേട്ടിരുന്നു.
കുറേ വർഷം മുമ്പായിരുന്നത്രേ!
വളാഞ്ചേരി പോലീസ് സ്‌റ്റേഷന്‍ പരിധിയിലാണു സംഭവം നടന്നത്.
പെണ്ണുങ്ങളെ ‪#‎തുറിച്ചുനോക്കിയ‬ ഏതോ ഒരു പൂവാലനെ ഓടിക്കുന്നതിനിടയില്‍ എസ്.ഐ സാര്‍ കാല്‍ തെന്നി കിണറ്റില്‍ വീണു!
പിന്നാലെ ചെന്ന രണ്ടു മൂന്നു കോണ്‍സ്റ്റബിള്‍മാര്‍ സാറിന് കയറിട്ടുകൊടുത്തു. സാറ് അതില്‍പിടിച്ചു മെല്ലെ മുകളിലേക്കു കയറി.
സാറിന്റെ തല വെളിയില്‍ കണ്ടയുടനെ പ്രോട്ടോക്കോള്‍ മാനിച്ച് കോണ്‍സ്റ്റബിള്‍മാര്‍ കയറിലെ പിടിവിട്ട് ഒരൊററ സല്യൂട്ട്.
ധാ കെടക്ക്ണ് സാറ് വീണ്ടും കിണറ്റില്‍.
പിന്നെയും പിന്നെയും അതു തന്നെ ആവര്‍ത്തിച്ചപ്പോള്‍ ഷൊര്‍ണ്ണൂരില്‍ നിന്ന് സര്‍ക്കിളിനെ കൊണ്ടുവന്ന് കയറില്‍ പിടിപ്പിച്ചു.
എസ്. ഐ സാര്‍ ആ കയറിലങ്ങനെ പിടിച്ചു കരയ്‌ക്കെത്താന്‍ നേരത്താണ് കരയില്‍ സര്‍ക്കിളിനെ കണ്ടത്.
എസ്. ഐ സാര്‍ പിന്നെ ഒന്നും ചിന്തിച്ചില്ല.
കയറിലെ പിടിവിട്ട ശേഷം കൊടുത്തു ഒരൊന്നൊന്നര സല്യൂട്ട്...!

No comments:

Post a Comment