ഉറക്കഗുളിക

വാസു ഏട്ടന് ഉറക്കം തീരെ കുറവായതിനാൽ ഡോക്ടറെ കാണിച്ച് തിരികെ കൊണ്ടുവന്നപ്പോൾ സമയം രാത്രി പത്തു മണി...

ഭക്ഷണം വെളിയിൽ നിന്ന് കഴിച്ചതിനാൽ അയാൾ നേരെ കിടപ്പു മുറിയിലേക്ക് പോയി. ഭാര്യ തങ്കമ്മ അടുക്കളയിലേക്കും.  അൽസമയം കഴിഞ്ഞ് അവർ തിരിച്ചെത്തിയപ്പോഴേക്ക് ഭർത്താവ് ഉറങ്ങിക്കഴിഞ്ഞിരുന്നു. യാത്രാക്ഷീണം കാരണമാകാം, കട്ടിൽ കണ്ടപാടെ അയാൾ ഉറക്കത്തിന് കീഴടങ്ങിയത്.

തങ്കമ്മ വാസുവേട്ടനെ വിളിച്ചു നോക്കി.

മൂപ്പര് നല്ല ഉറക്കത്തിലാണ്.

കുറെ കുലുക്കി വിളിച്ചു. അയാൾ അറിഞ്ഞില്ല.  അപ്പോൾ തങ്കമ്മ അടുക്കളയിൽ പോയി ഒരു പാത്രം  വെള്ളം കൊണ്ടുവന്നു. അത് ബോധംകെട്ട് ഉറങ്ങുന്ന വാസുവേട്ടന്റെ തലയിൽ കൂടി ഒഴിച്ചു.

ഞെട്ടിപ്പിടഞ്ഞെഴുന്നേറ്റ് അന്തംവിട്ടിരിക്കുന്ന വാസുവേട്ടന്റെ മുഖത്ത് നോക്കി തങ്കമ്മ സ്നേഹവായ്പ്പോടെ പറഞ്ഞു:

"ദേ ചേട്ടാ ഉറക്കഗുളിക കഴിച്ചിട്ട് കിടക്ക്"...!!