മകന്‍: അമ്മേ, ടീച്ചറെന്നെ ഇന്നും പുറത്താക്കി.
അമ്മ: ഇന്നെന്തിനാ പുറത്താക്കിയത്?
മകന്‍: ഒരു ഈച്ചയെ കൊന്നതിന്‌.
അമ്മ: ഈച്ചയെ കൊന്നതിന്‌ ക്ലാസില്‍ നിന്ന് പുറത്താക്കുകയോ?
...........
അമ്മ ടീച്ചറോട് ഫോണില്‍: മകനെ ഇന്നും പുറത്താക്കിയെന്ന് കേട്ടു. അവനെന്തെങ്കിലും തെറ്റ് ചെയ്തോ?
ടീച്ചര്‍: അതെ. അവന്‍ എന്റെ മുഖത്തടിച്ചു. അതിനാണ്‌ പുറത്താക്കിയത്.
.............
അമ്മ മകനോട്: നീ സ്കൂളില്‍ പോകുന്നത് പോക്രിത്തരം കാണിക്കാനാണോടാ? പോരാത്തതിനു കള്ളം പറയുകയും ചെയ്യുന്നോ?
മകന്‍: ഞാന്‍ പോക്രിത്തരം കാണിച്ചിട്ടില്ല; കള്ളം പറഞ്ഞിട്ടുമില്ല.
അമ്മ: നീ ടീച്ചറെ മുഖത്തടിച്ചതിനല്ലേ അവര്‍ നിന്നെ പുറത്താക്കിയത്?
മകന്‍: അല്ല; ഈച്ചയെ കൊന്നതിനാണ്‌ ടീച്ചര്‍ എന്നെ പുറത്താക്കിയത്. ഈച്ച ഇരുന്നത് ടീച്ചറുടെ മുഖത്തായിരുന്നു.
No comments:
Post a Comment