സമര്‍ത്ഥനായ ഒരു മജീഷ്യന്‍ കപ്പല്‍ യാത്രക്കിടയില്‍ തന്റെ മാജിക്ക് കാണിക്കുകയായിരുന്നു. ഓരോ ഇനം കാണിക്കുമ്പോഴും ഒരു പൂച്ച ഇപ്രകാരം പ്രതികരിച്ചുകൊണ്ടിരുന്നു: 'ഇത് മാജിക്കല്ല; വെറും തട്ടിപ്പാണ്‌. ഇയാള്‍ ആളുകളെ വിഡ്ഢികളാക്കുകയാണ്‌.'
അങ്ങനെയിരിക്കെ അടിച്ചുവീശിയ ശക്തമായ ചുഴലിക്കാറ്റില്‍ ആ കപ്പല്‍ മറിഞ്ഞു. അത് കടലിന്റെ ആഴങ്ങളില്‍ അപ്രത്യക്ഷമായി. മജീഷ്യന്‍ ഒരു ലൈഫ് ബോട്ടില്‍ കയറി. അതിന്റെ ഓരത്തു തന്നെ ആ പൂച്ചയും സ്ഥലം പിടിച്ചു. അവര്‍ പരസ്‌പരം നോക്കുമെങ്കിലും ഒന്നും ഉരിയാടിയില്ല. മൂന്നാം ദിവസം പൂച്ച സംസാരിച്ചു: നിങ്ങളുടെ കഴിവുകള്‍ അപാരം തന്നെ. ആ കപ്പല്‍ നിങ്ങളെന്ത് ചെയ്‌തു? ഇനി എപ്പോഴാണ്‌ അത് പുറത്തുകൊണ്ടുവരുക?
No comments:
Post a Comment