നാട്ടില്‍ ബസ് വന്നു തുടങ്ങിയ കാലം. നമ്പൂതിരിക്ക് ബസില്‍ കയറാന്‍ ഒരു മോഹം. അവസാനം ബസില്‍ കയറി; തൊട്ടടുത്ത പട്ടണത്തില്‍ പോയി, അടുത്ത ട്രിപ്പില്‍ തിരിച്ചു ഗ്രാമത്തിലേക്ക് പോന്നു. ഇല്ലത്തെത്തിയപ്പോള്‍ അന്തര്‍ജ്ജനം ഓടിവന്നു. എന്നിട്ട് ചോദിച്ചു: എങ്ങനെയാണ്‌ ബസ്? എങ്ങനെയാണ്‌ അതില്‍ കയറുക? നിങ്ങള്‍ ശരിക്കും കയറിയോ?
ഒരു കൂട്ടം ചോദ്യങ്ങള്‍! ഒറ്റ ശ്വാസത്തില്‍!
എല്ലാറ്റിനും നമ്പൂതിരി മറുപടിയും നല്‍കി. അവസാനം ചോദിക്കാത്ത ഒരു ചോദ്യത്തിനു കൂടി ഉത്തരം നല്‍കി: 'നോം ബസ് കാണുകയും ബസില്‍ കയറുകയും ബസില്‍ യാത്ര ചെയ്യുകയും മാത്രമല്ല ചെയ്തത്. ബസ് ഓടിക്കാന്‍ പഠിക്കുകയും ചെയ്തു.'
അന്തര്‍ജ്ജനം ആശ്ചര്യത്തോടെ ചോദിച്ചു: എങ്ങനെയാണ്‌ ബസ് ഓടിക്കുന്നത്?
നമ്പൂതിരി: 'അത് വളരെ എളുപ്പമാണ്‌. ബസിന്‍റെ മുന്‍ഭാഗത്ത് നിന്ന് പിന്‍ ഭാഗത്തേക്ക് ഒരു ചരട് വലിച്ച് കെട്ടിയിട്ടുണ്ട്. അത് പിടിച്ച് ഒരു വലി വലിച്ചാല്‍ ബസ് നില്‍ക്കും; രണ്ട് വലി വലിച്ചാല്‍ ബസ് ഓടുകയും ചെയ്യും. അത്രയേ ഉള്ളൂ.'
No comments:
Post a Comment